del Horno og Vialli....my best friends

Fór á Chelsea vs. Aston Villa í gær. Helvítis Chelsea þurfti að vinna! Djöf....

Það sem er kannski skemmtilegra er að ég sat hliðina á Asier del Horno sem er vinstri bakvörður Chelsea að öllu jöfnu en hann er meiddur þessa dagana. Fyrir framan mig sat svo enginn annar en Gianluca Vialli. Gaman af þessu. Á mynd af þeim báðum hliðina á mér sem ég smelli inn við tækifæri. Var aðeins að spjalla við þá en vildi ekki vera hálfvitinn sem væri að biðja um eiginhandaráritun eða uppstillta mynd.

Annars hefur ýmislegt verið að gerast í lífi lundans. Síðustu helgi var hún Berta, Berta rjómaterta í heimsókn og Rabbi félagi minn líka. Við gerðum margt skemmtilegt en það er tvennt sem stendur upp úr. Hið fyrra var þegar Andri Björn kenndi okkur saltstaukadansinn þegar við vorum í ljótudansakeppni. Ég fann reyndar upp einn annan helvíti góðan. Knapadansinn, sem býður upp á svo marga möguleika! Ef þið hittið á mig í 101 hlegina 7. og 8. okt þá hnippið þið bara í mig og ég kenni ykkur! :) Hið seinna er að við skelltum okkur á fótboltaleik hjá stórliðunum Fulham og West Ham. Héldum að sjálfsögðu með West Ham Rabba til stuðnings. Í hálfleik var staðan 0-0 og við frekar svöng þannig að við skelltum okkur í röðina til að fá okkur pulsu. Ég hafði svona ágætistrú á því að um væri að ræða ágætlega ætileg kvikindi. Allavegana...röðin var frekar löng og byrjaði leikurinn aftur áður en það kom að okkur í röðinni og heyrðum við allt í einu svakaleg fagnaðarlæti. Þá voru sem sagt West Ham menn að skora. Við bölvuðum heimsku okkar náttúrulega í sand og ösku en ákváðum að fyrst við vorum nú komin svona langt í röðinni þá væri nú best að klára þetta og fá eitthvað í gogginn. Allt í einu var fagnað aftur. Þá höfðu West Ham menn skorað aftur, og aftur höfðum við misst af því! Við fengum loks pulsurnar okkar sem voru það óætar að ég henti þeim í ruslið! Góð ákvörðun þar. West Ham skoraði ekki meira og ég hélt áfram að vera svangur!

Á þriðjudaginn var svo fagnað úrskurði ákveðinna dómara á Íslandi og á fimmtudaginn fór ég í minn fyrsta alvöru tuxedo dinner! Mega gaman og stefni ég að því að fá mér minn eigin tuxedo við fyrsta tækifæri. Óþægilegt að vera í svona leigðum því hann passar aldrei 100% á þig.

Á fimmtudaginn var Gunni Berg í heimsókn. Skelltum okkur á HK-diner sem er uppáhalds cheap-ass chinese matsölustaðurinn minn. Fengum okkur chili chicken rétt. Ég þurfti sko að tæma stir fried egg rice-ið hjá bæði Gunna og Reginu til að halda mér gangandi. Er ekki með mesta þolið gagnvart sterkum mat.

Annars styttist í heimkomu. Er ekki örugglega verið að plana eitthvað partý fyrir mig þann 7.okt?????